Zaindoo mendekotasuna duten adinekoak zaintzen dituzten senitarteei laguntzeko zerbitzua da. Erabilera errazeko aplikazio baten bidez ematen da.

Helburuak

Zerbitzuaren helburuak ondokoak dira:

• Gainkarga eta antsietatea murriztea.
• Eguneroko zailtasunak konpontzeko gaitasuna handitzea.
• Familia-kohesioa hobetzea.
• Zainketa-egoerari dagokioneko gogobetetasuna areagotzea zaintzailearengan.

Lortzeko baldintzak

Programaren hartzaileak ondoko ezaugarriak bete behar ditu:

• Mendekotasuna duen pertsonaren senitartekoa izatea.
• Euskadin bizitzea.
• Interneterako sarbidea duen mugikorra edo tableta izatea

Gainera, mendekotasuna duen pertsonak ondokoa behar du:

• 60 urtetik gorakoa izatea.
• Aitortutako mendekotasuna izatea.
• Etxean bizitzea.
• Euskadin bizitzea.

Prestazioak

Zaindook hurrengo prestazioak eskaintzen ditu:

• Zaintzailearen egoeraren diagnostikoa (lau hilabetero).
• Espezialistarekin banakako saioak, online akonpainamendua eta laguntza ematen dutenak.
• Zaintzaileen online komunitatea.
• Online prestakuntza eta trebetasunen entrenamendua zaintza eta autozainketa hobetzeko.
• Eguneroko zaintza-lanak antolatzeko eta koordinatzeko tresnak.

Eskaria

• Zaindoo bide telematikoz eska daiteke, ala aurrez aurreko Zuzenean zerbitzuan.

Ebaluaketa

Euskal Herriko Unibertsitateak zientifikoki baliozkotu du zerbitzuaren eraginkortasuna.

Informazio osagarria

• KZgune (d. g.): Zaindoo [aplikazioari buruzko online autoikaskuntza ikastaroa].