Erregistro- eta argitaratze-prozesuak hiru etapa ditu:
1. Datu-erregistroa
- Orri honetan ageri den erregistro-formularioa euskaraz nahiz gazteleraz bete daiteke, goialdeko eskuinaldean dagoen menuan dagokion hizkuntza aukeratuta. Tresna bat bi hizkuntzen bitartez erregistratzeko, haietako bakoitzaren formulario bana bete behar da. Informazio hori hautatutako hizkuntzan edo hizkuntzetan argitaratuko da.
- Atal bakoitzean erregistratu beharreko informazioa zein den adierazten da. Eskaerari buruzko ideia zehatzagoa nahi izatekotan, adibide gisara prestatu izandako tresna teknikoak kontsulta ditzakezu. Zalantzarik izatekotan, harremanetan jar zaitezke Berrituzeko idazkaritza teknikoarekin.
- Formularioan sartzerik ez duzun oharren bat luzatu nahi izanez gero, ‘Oharrak’ atala erabil dezakezu.
- Eskainitako datuak Berrituzeko pribatutasun-politiken arabera erabiliko dira.
Formularioa bete ondoren, erakundeak posta elektroniko bat jasoko du, edizio-proposamen bat edukiko duen orri pribatu bateko lotua eskainiko duena. Proposatutako tresna egiaztatze-fasera igaroko da.
2. Egiaztatzea
Berrituzeko idazkaritza teknikoak egiaztatuko du tresna gordailu honetako tresna teknikoaren definiziora gerturatzen ote den (ikus gorago). Horrela balitz, eskainitako dauen osotasuna eta argitasuna egiaztatuko da, eta horrela izan ezean, informazio gehigarria eskatuko da.
3. Argitaratzea
- Proposamena onartua izan bada, gordailuan argitaratuko da eta erakunde arduradunari jakinaraziko zaio.
- Proposamena atzera botaz gero, datu-basean erregistratuta geratuko da, baina ez da argitaratuko eta erakunde arduradunari jakinaraziko zaio.
Tresna argitaratu den unean, erakunde arduradunak eskainitako datuak aldatzeko aukera izango du ―zuzendu, osatu edota eguneratzeko―, tresna erregistratzean jasotako lotura pertsonalizatua erabilita.